خدمتونه

افغانیان ستاسو د اړتیاوو د بشپړتيا لپاره پراخ خدمتونه وړاندي کوي. موږ د مسلکي ژباړې، ځاى پرځايينې او ډي ټي پي (DTP) په برخه کې ژباړې ته د پلان جوړولو او د پيسو د ورکړې د پروژې مدیریت هم لرو.

زموږ ټیم به له تاسو سره د چټکې او کره ژباړې د خدمتونو په برخه کې کار وکړي؛ موږ ستاسو د ادارې د ټولو سندونو کره ژباړه په تضمين سره کوو. له موږ سره زياتره پروژې د هغو پېرونکو دي، چې له ډېر وخته راسره پېژني او زموږ د لوړو او غوره خدمتونو پرتليزې بیې يې منلې دي.

ژباړه
افغانیان پر نورو برخو سربېره په لاندې برخو کې هم غوره کيفي خدمتونه ترسروي.

حقوقي
څرنګه چې قانون له کولتوره اوبه کېږي؛ نو حقوقي ژباړه اسانه نه ده. یوازې هغه مسلکي حقوقي ژباړونکي حقوقي سندونو ژباړلاى شي، چې په دغه ډګر کې تخصص او د څېړنيزې ليکوالۍ وړتیاولري. زموږ حقوقي ژباړونکي یوازې د ژبنیو مهارتونو پر بنسټ نه دي ټاکل شوي، بلکې په اړونده برخه کې يې تخنیکي پوهه هم ارزول شوې ده. زموږ په حقوقي خدمتونو کې تړونونه او هوکړه لیکونه (د بېلګې په توګه: کاري تړونونه، اجاره لیکونه، د نمایندګیو تړونونه، د لیسنسونو هوکړه لیکونه، د رازساتنې ژمنلیکونه)، بریلیکونه (د کور راجسټرول، الحاق یا د مالیې اړوند سندونه)، د همکارۍ مواد او مادې، د کور اصول، د شاهدانو څرګندونې، د رسمي شاهدۍ اړتیاوې، د محکمې سندونه (اصول، صورت دعوې، احضارلیکونه)، امتیازلیکونه (مشخصات، غوښتنلیکونه، د لومړیتوب باورلیکونه) او داسي نور راځي.

حقوقي ژباړه د هغو ژبنیو خدمتونو یوه برخه ده چې افغانیان چمتو کړې ده. وړیا بیه ترلاسه کړﺉ یا د زياتو معلوماتو لپاره له موږ سره اړیکه وکړﺉ.

بازار موندنه
له لوست پرته، د سم پیغام سم لېږد د نړۍ د ټولو بازارونو د بري مهمه ځانګړتیا ګڼل کېږي. د بازارموندنې متنونه ګډو ځواکمنو ژبنیو او نوښتګرو مهارتونو ته اړتیا لري او موږ تر ډېرې لټې وروسته دا راز کسان موندلي دي. موږ د تبلیغاتي پاڼو، بانکي بیانونو، د پانګونې لپاره د بازارموندنې، سترو اقتصادې سروې ګانو، د ګټې او تاوان راپورونو، کلني راپورونو، بيمې ته د بازار موندنې او داسې نورو متنونو د باکیفیته ژباړې خدمتونه وړاندي کوو.

بازار موندنه ژباړه د هغو ژبنیو خدمتونو یوازي یوه برخه ده چې د افغانین له خوا چمتو شوي دي. په وړیا توګه بیه ترلاسه کړﺉ او یا د نورو مالوماتو لپاره له موږ سره اړیکه ټینګه کړﺉ.

تخنیکي
تخنیکي سندونه چې ستاسو له تولیداتو سره یو ځای بازارونو ته صادرېږي تر ډېره ستاسو د تولیداتو تصویر وړاندې کوي او ستاسو څرګند استازیتوب کوي. دغه سندونه باید مهم او تر ډېره پېچلي او لارښوونیز مالومات چې په کره او جامع توګه په بېلابېلو ژبو ژباړل شوي وي، ولېږدوي، ځکه نو باید پر وخت او وړ بیه ژباړل شوي وي.

موږ د ساتنې او خوندیتوب او انسټالیشن د لارښودو کتابونو، د کارکونکو دلارښووونو، د خوندیتوب او څرنګوالي د کړلارو په اړه د سندونو، او د تولیداتو د کیتلاګونو د ژباړې ستره تجربه لرو. موږ د موټر د صنعت، هایډرولیکونو، ليدني(بصري) توکيو(موادو)، د الوتکو د دستګاوو، د سمندري ځواکونو د انجنیرۍ، د امتیاز د حق، رغنيزې ټکنالوژۍ، د میخانیکي انجنیرۍ، د فضايي ټکنالوژۍ، د رغنيزې انجنیرۍ، د طبي انجنیرۍ (توکي/ وسایل)، د مخابراتي چار، د ډیجیټل انځوراخیستنې، د ګرځنده بیسیم مخابرې (GSM) ، د ټلویزیون (خپرنیزې ټکنالوژۍ)، د برېښنايي انجنیرۍ، د اټومي برېښنا، د ساینس او فزیک، د انرژۍ ساتنې، د تېلو او ګازو او د اوبو ساپلو اړوندو سندونو تخنیکي ژباړه کوو.

تخنیکي ژباړه د هغو ژبنیو خدمتونو یوازي یوه برخه ده چې د افغانین له خوا ترسره کېږي. وړیا بیه ترلاسه کړﺉ یا د زياتو معلوماتو لپاره له موږ سره اړیکه وکړﺉ.

طبي ژباړه
په طبي ډګر کې کره ژباړه یوه ډېره ټاکونکې موضوع ده، ځکه نو افغانین په دغه ډګر کې له مسلکي او تخصص لرونکو ژباړنانو څخه ګټه اخلي، او هغوی د طبي متنونو د ژباړې د کیفیت ‌‌ذمه واري پر غاړه اخلي. موږ په بېلابېلو برخو کې تخصص لرو: طبي کمپیوټري پروګرامونه، څېړنیز سندونه، د بیمې سندونه، پرمختیايي مواد او داسې نور.

تاسې د طب او فارمیسۍ په برخه کې زموږ پر کارنده ژباړونکو باور وکړئ، چې تاسو ته کره، ګړندۍ، او په وړ بیه ژباړې وړاندې کړي. طبي ژباړه د هغو ژبنیو خدمتونو يواځنۍ برخه ده چې افغانیان يې ترسروي. همدا اوس په وړیا توګه بیه ترلاسه کړﺉ او یا د نورو مالوماتو لپاره له موږ سره اړیکه ټینګه کړﺉ.

خپله وړیا بیه ترلاسه کړﺉ.